Шольц Путиннинг америкалик журналистга берган интервюсини бемаънилик деб атади

Германия канцлери Олаф Шольц Россия президенти Владимир Путиннинг америкалик журналист Такер Карлсонга берган интервюсини бемаънилик деб атади.

Шольц бу ҳақда Оқ уйда АҚШ президенти Жо Байден билан қўшма брифингда маълум қилди.

"Биз Путин билан сўнгги бемаъни интервюни кўрганимизда, у ҳар доим бу уруш тарихи ҳақида кўп ёлғон гапиришини тушунамиз. Чунки у нима учун бундай қилаётганини тушуниш жуда осон. У қўшнилари ҳудудларининг бир қисмини қўлга киритмоқчи. У шунчаки империалист", — дея таъкидлади Шолц Байден билан музокаралар олдидан ўтказилган қўшма брифингда