Россия Украинадаги уруш учун зарур бўлганидан кўпроқ қурол ва ўқ-дориларни ишлаб чиқаради

Германия мудофаа вазирининг айтишича, Россия Украинадаги уруш учун зарур бўлганидан кўпроқ қурол ва ўқ-дориларни ишлаб чиқаради.

Германия мудофаа вазири Борис Писториус ARD телеканалига берган интервьюсида ҳозирда Россия ҳарбий омборлари қурол ва ўқ-дорилар билан тўлдирилганини таъкидлади.

«Ишлаб чиқарилган маҳсулотнинг кўп қисми ёки бир қисми энди фронтга кетмайди, балки омборларга тушади», деди Писториус.

Германия мудофаа вазирининг фикрича, Владимир Путиннинг ҳарбий амбицияларини қондириш учун катта миқдордаги қурол керак.

“Сиз содда бўлиб, у буни фақат эҳтиёткорлик учун қиляпти, деб айтишингиз мумкин. Скептик сифатида айтмоқчиманки, бу ҳолатда у ниманидир режалаштираётгани ёки эҳтимол ниманидир ўйлагани учун шундай қиляпти», - дея қўшимча қилди Писотриус.