Роспотребнадзор арман минерал сувларини сотишни тўхтатди
Роспотребнадзор хавфсизликни текшириш учун Арманистонда ишлаб чиқарилган Жермук маркали минерал сувларнинг айрим партияларини сотишни тўхтатди. Кеча Владикавказда яшовчи ушбу минерал сувни ичганидан сўнг қизилўнгач куйиб кетди, деб ёзади «ТАСС».
2023 йил 28 декабрдан 2024 йил 12 февралгача 0,5 литрли шиша идишларга қадоқланган ва Россияга олиб кириладиган «Жермук» минерал суви савдоси тўхтатилди. Аниқлик киритилишича, бутилкаларнинг ишлаб чиқарилган санаси 2023 йил 28 декабрь.
Шимолий Осетия раҳбари Сергей Меняило аввалроқ минерал сувдан заҳарлангани ҳақида хабар берган эди. Унинг сўзларига кўра, ёпиқ шишада сув ўрнига сирка бўлган. Воқеаларга ойдинлик киритиш учун Ички ишлар вазирлиги ва прокуратура ходимлари жалб этилди.
Жермук суви Арманистоннинг худди шу номдаги курорт шаҳрида ишлаб чиқарилади. Маҳсулот 40 га яқин давлатга, жумладан, АҚШ ва Европага импорт қилинади.
