Қўшма Штатлар Россиядан алюминий, мис ва никел импортини тақиқлади

АҚШ Ғазначилигининг Хорижий активларни назорат қилиш бошқармаси (ОFAC) томонидан эълон қилинган ҳужжатга кўра, эндиликда Америка компанияларига Россияга алоқадор металлар билан операцияларни амалга ошириш, жумладан, уларни экспорт қилиш ва реэкспорт қилиш тақиқланган. Аниқлик киритилишича, чекловлар Россия Федерациясида 2024 йил 13 апрелгача ишлаб чиқарилган металларга таъсир қилмайди.

Бундан ташқари, АҚШ ва Буюк Британия ҳукуматлари жаҳон металл биржаларида Россиянинг алюминий, мис ва никелидан фойдаланишни чеклашга қарор қилди. Натижада, Лондон металлар биржаси (LME) ва Чикаго товар биржасига (CME) Россия металлари билан операциялар ўтказиш тақиқланди.