Қозон гимназиясидаги отишма: шкаф ортига яширинган қизча қандай тирик қолди?

Қозон шаҳридаги 175-мактабнинг бешинчи синф ўқувчиси Aнжелина Лазарева РИA Новостига 11 май куни жисмоний тарбия ўқитувчиси иккинчи синфда ўқийдиган синглисини қандай қутқарганини айтди.

"Менинг синглим портлаш натижасида шкаф ортида қолиб кетганди. Синглимни шкаф асраб қолди. Синфдошлари югуриб чиқишганида эса шкаф ортидаги синглимни пайқашмаган. У: "Ёрдам беринг!" деб бақирган, лекин ҳеч ким эшитмаган. Синглим шкаф остидан чиқиб, оёғини аранг тортиб олди ва деразага чиқиб, бақиришни бошлади", деди Aнжелина.

Мактаб ўқувчисининг сўзларига кўра, энди унинг синглиси уйда, шифокорлар унга оғир жароҳат ташхисини қўйишган, аммо ўша куни бошқа жабрланганлар сингари улар ҳам касалхонага ётқизилган.

"Жисмоний тарбия ўқитувчиси унинг мактабдан чиқишига ёрдам берди. У кўчада туриб, биринчи синф ўқувчиларини деразадан олиб чиқишда ёрдам берди. Ўқитувчи уни эшитди ва қучоқлаб, панжара олдига олиб борди. Ўқитувчи болани қутқарди", - дея қўшимча қилди Анжелинанинг онаси Надежда Aлександровна.