Францияда Олимпиада олдидан терактлар тайёрлаган бир неча киши қўлга олинди
Париждаги Олимпиада олдидан терактлар тайёрлаганликда гумонланиб бир неча киши қўлга олинди.
Франция ички ишлар вазири Жералд Дарманин БФМTV телеканалида, Бастилияни ишғол қилиш куни (14 июль) ва Олимпиада ўйинлари бошланишидан олдин терактлар тайёрлаётгани гумон қилинган бир неча киши қўлга олингани ҳақида хабар берди.
“Биз сайловолди ташвиқотини олиб бораётганимиз сабаб бу ҳақда сўнгги кунларда гаплашмадик. Лекин нимадир режалаштираётган ва террорчилик актларини тайёрлашда гумонланган шахсларни қўлга олдик.
Йирик тадбирлар хавфсизлигини таъминлашга тайёрланмоқдамиз. Террор ҳужуми нафақат Олимпиада ўйинлари вақтида содир бўлади, балки ҳар қандай вақтда содир бўлиши мумкин, биз доим ҳушёрмиз”, — деди Дарманен.
Маълумот учун, Париждаги Олимпия ўйинлари 26 июлдан 11 августгача бўлиб ўтади.
