Каземиро «МЮ»нинг ашаддий рақиби сафига ўтиб кетиши мумкин

Ярим ҳимоячи Каземиро ёзги трансфер ойнасида «Манчестер Юнайтед»ни тарк этиши мумкин. "Todofichajes" портали ўз саҳифаларида хабар беришича, 32 ёшли футболчи ҳозирда ўз келажагига баҳо бермоқда.

Қайд этилишича, Каземирога АПЛнинг бошқа бир клуби «Арсенал»дан таклиф тушган. «Канонирлар» бош мураббийи Микель Артета бразилиялик футболчини ўз жамоасида кўрмоқчи. Бундан ташқари, Каземирода Саудия Арабистонига ўтиш имконияти бор.

Каземиронинг «Манчестер Юнайтед» билан амалдаги шартномаси 2026 йилнинг ўрталарига қадар мўлжалланган. "Transfermarkt" портали футболчини 20 миллион еврога баҳоламоқда.