Дуров ҳибсга олинганидан кейин Франция ҳукумати веб-сайтлари хакерлар ҳужумига учради

Телеграм асосчиси Павел Дуров Парижда ҳибсга олинганидан сўнг хакерлар Франция ҳукуматининг бир қанча веб-сайтларига ҳужум қилди. Бу ҳақда "Le Parisien" газетаси ёзмоқда.

Қайд этилишича, 25 август куни Франция давлат хизматлари сайти, Дори воситалари ва тиббий маҳсулотлар хавфсизлиги миллий агентлиги портали ва бошқа ресурслар киберҳужумларга учраган. Газета маълумотларига кўра, бу сайтлар кун давомида секин юкланган ва вақти-вақти билан кириш имкони бўлмаган.

Киберхавфсизлик бўйича мутахассис Клеман Доминго газетага берган интервьюсида яқин келажакда бундай ҳужумлар сони ортиши мумкинлигини айтди.