Ўҳ-ҳў! Павел Дуров Францияда 20 йилга қамалиши мумкин
Телеграм асосчиси Павел Дуров 12 та жиноятда айбланмоқда. Бу ҳақда душанба куни Париж прокуратураси хабар берди.
28 август, чоршанба куни Телеграм асосчисини ҳибсда сақлаш муддати узайтирилди. Бу муддат тугагунига қадар Дуров унга қарши айбловлар қўйилмаган ҳолда ҳибсда қолиши мумкин.
Тадбиркорга нисбатан иш жорий йилнинг 8 июлида очилган, дея қўшимча қилди Париж прокуратураси. Ҳозирда уни «исми ошкор этилмаган шахсга қарши иш бўйича» кибержиноятлар бўйича тергов доирасида сўроқ қилиш давом этмоқда, деб хабар беради «РИА Новости».
Павел Дуров 24 август куни Париж Ле Бурже аэропортида қўлга олинган эди. У Телеграмда модерация йўқлиги сабабли гиёҳванд моддалар савдоси, фирибгарлик ва болаларга қарши жиноятлар каби жиноятларга ёрдам беришда гумон қилинмоқда. Агар бу айбловлар тасдиқланса, Францияда тадбиркор 20 йилгача қамоқ жазосига ҳукм қилиниши мумкин.
