Бўстонлиқда Gentra бошқарувни йўқотиб, ЙТҲ содир этди

Бўстонлиқ туманида содир бўлган йўл-транспорт ҳодисаси юзасидан маълумот берилди.

Жорий йилнинг 26 август куни соат таҳминан 17:00 ларда Тошкент вилояти Бўстонлиқ тумани худудидан ўтувчи 4Р12 “Бектемир-Чорбоғ қ” автомобиль йўлининг 50-километрида (аҳоли яшаш жойидан ташқари) ҳайдовчи 1993 йилда туғилган А.А. бошқарувидаги “Gentra” русумли транспорт воситасида Чорбоғ-Тошкент йўналишида бошқариб кетаётган вақтида бошқарувни йўқотиб, йўл четига чиқиб кетиши натижасида йўл-транспорт ҳодисаси юз берган.

Ушбу йўл транспорт ҳодисаси натижасида ҳеч қайси ҳаракат иштирокчиларининг соғлиғига зиён етмаган. Транспорт воситаси техник шикастланган.

Ҳолат юзасидан Бўстонлиқ тумани ИИБ ЙҲХБ томонидан суриштирув ишлари олиб борилмоқда.