Ғазода оммавий эвакуация: Исроил «хавфсиз зоналарни» тарк этишни талаб қилмоқда

Исроил ҳарбийлари Ғазо шимолидаги бир қанча ҳудудларда борадиган жойи йўқ ўн минглаб фаластинликларга эҳтимолий ҳарбий босқин олдидан қочишга буйруқ бериб, янги ультиматум қўйди.

Ҳарбийлар Ғазо шимоли-ғарбидаги фаластинликларга Ғазо шаҳри ғарбидаги «хавфсиз уйларга» қочишни буюриб, уларни «хавфсиз ҳудуд» деб атади.

Ғазодаги 10 ойлик уруш давомида Исроил бир неча бор хавфсиз ҳудудларга оммавий эвакуация қилишни буюрди ва бу ёрдам операцияларига тўсқинлик қилди, деди БМТ расмийси. Ўтган ойнинг ўзида у 250 минг кишини эвакуация қилиш бўйича 12 та буйруқ чиқарди.

❕ Инсон ҳуқуқлари гуруҳлари ва халқаро кузатувчилар оммавий изтиробларга сабаб бўлган бу буйруқларнинг ғайриинсонийлигини қоралайди. Бундан ташқари, фаластинликлар «хавфсиз зоналар»га кетаётиб, ҳатто бу зоналарга етиб келганидан кейин ҳам Исроил томонидан тез-тез ҳужумга учрайди.