Жазоир президентлигига номзод Россия билан ҳамкорликни қўллаб-қувватлади

Жазоир президентлигига номзод Абделали Ҳасани Чериф Россия билан алоқаларни мустаҳкамлаш истагини билдирди. «Тинчлик учун жамият ҳаракати» партияси раҳбари Россия-Жазоир муносабатларини ривожлантириш дўстона мулоқотга асосланиши кераклигини таъкидламоқда, деб ёзади «Известия» сиёсатчининг сайловолди штабига таяниб.

Шериф Россия билан стратегик шерикликка эътибор қаратишни таклиф қилмоқда, уни конструктив мулоқот орқали қуриш, унинг фикрича, бу икки томонлама муносабатларга оид барча муаммоларни ҳал қилишга ёрдам беради. «Тинчлик учун» ҳаракати сайловолди штаб раҳбари, депутат Аҳмад Садуқ бунда икки давлат ўртасидаги тарихий алоқаларни таҳлил қилиш, муштарак манфаатларни илгари суриш ҳам бўлиши кераклигини таъкидлади.

Нашрнинг қайд этишича, халқаро муносабатлар соҳасида Жазоир жаҳоннинг етакчи давлатлари билан ўзаро муносабатларда бетараф бўлиб қолади. Шу билан бирга, мамлакат БРИКСга қўшилишни ўзининг миллий манфаатларини ҳимоя қилиш ва минтақада ҳам, жаҳон миқёсида ҳам таъсирини ошириш йўли деб қарайди.