Энди Ўзбекистон фуқаролари Озарбайжонда 15 кун рўйхатдан ўтмасдан қолиши мумкин

Икки давлат фуқаролари ўзаро мамлакатларда вақтинчалик рўйхатдан ўтмасдан 15 кунгача бўлишлари мумкин бўлади.

Ўзбекистон ва Озарбайжон ҳукуматлари ўртасида фуқароларнинг визасиз саёҳати тўғрисидаги Битимга ўзгартириш ва қўшимчалар киритиш тўғрисидаги протокол кучга кирди. Бу ҳақда Ўзбекистон Ички ишлар вазирлиги хабар берди.

Ушбу баённома икки республика фуқаролари учун қулай шарт-шароитлар яратишга қаратилган бўлиб, Ўзбекистон ва Озарбайжон ҳудудига кириш/чиқиш, транзит ўтиш ва 15 кун муддатга ўзлари бўлиб турган давлатнинг ваколатли органларида рўйхатдан ўтиш мажбуриятидан озод этилиши белгиланди.

Ушбу баённома 2023 йил 22 августда Боку шаҳрида имзоланган ва 2024 йил 15 январдан кучга кирди.