Боботоғда Қизил китобга киритилган бўз эчкэмарнинг мобил видео тасвири муҳрланди

Боботоғ миллий табиат боғида Қизил китобга киритилган бўз эчкиэмарнинг мобил видео тасвири муҳрланди.

Бўз эчкемарлар асосан, мустаҳкамлашган ва ярим мустаҳкамлашган қумларда, лойли ва тош-шағалли тупроқларда, шўрхок ерларда яшайди.

Катта қумсичқон ва тулкилар ташлаб кетган уяларни макон тутади ва ўша ерда қишлайди. Май-июн ойида жуфтлашади. Июн-июл ойларида 6тадан 20 тагача тухум қўяди. Тухумдан чиққан болалари эса, бир қишловдан сўнг ер юзига чиқади, 3 ёшдан ошганда жинсий вояга етади.

Маълумот учун, бўз эчкэмарларни овлаш таъқиқланган ва Боботоғ миллий табиат боғида муҳофазага олинган бўлиб, лекин аниқ ҳисоби олинмаган.