БАА аҳолисининг ярмидан кўпини коронавирусга қарши эмлаб бўлди

БАА ҳукуматининг маълум қилишича, мамлакатда коронавирусга қарши ваксинани 5 миллиондан ортиқ одам қабул қилиб бўлди. Бу 10 миллионга яқин одам яшайдиган БААда аҳолининг ярми эмланганини англатади.

Сўнгги 24 соат ичида БААда 103 469 киши CОVID-19 ваксинасини қабул қилган бўлиб, 13 февраль кунига кўра мамлакатда тарқатилган ваксиналарнинг умумий миқдори 5 005 264 дозага етди.

«Соғлиқни сақлаш соҳасининг биргаликдаги саъй-ҳаракатлари ва БАА халқининг садоқати сабабли миллий эмлаш компаниясида ваксина қабул қилиб олганлар сони 5 миллионтдан ошганини эълон қиламиз» дейди Бирлашган Араб Амирликларининг инқироз ва табиий офатларни бошқариш идораси.