Venesuela poytaxtida namoyishlar chog‘ida otishma ovozlari eshitildi
Venesuela poytaxti Karakasda namoyishlar chog‘ida o‘q ovozlari eshitildi.
Bu haqda NTN24 telekanali «X» ijtimoiy tarmog‘ida ma’lumot berdi.
Jurnalistlarning ta’kidlashicha, namoyishchilarga fuqaro kiyimidagi noma’lum shaxslar tomonidan o‘q uzilgan.
Polisiya va milliy gvardiya namoyishchilarning prezident saroyi tomon yo‘lini to‘sib, ko‘zdan yosh oqizuvchi gaz ishlatgan.
El Nacional nashriga ko‘ra, namoyishchilar polisiyaga tosh, tayoq va yondiruvchi suyuqlik solingan shishalarni otgan, polisiya esa bunga javoban ko‘zdan yosh oqizuvchi gaz ishlatgan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
