O‘zbekiston avtomobil bozoridagi vaziyat qanday?
Iqtisodiy tadqiqotlar va islohotlar markazi ekspertlari fevral oyida O‘zbekistondagi avtomobil bozori qanday o‘zgarganini tahlil qildi. Fevral oyida avtomobil bozorida faollikning sezilarli pasayishiga qaramay, yangi yengil avtomobillar segmentida yil davomida sotuvlar 8,4 fozga oshdi. Elektromobillar bozori bir yilda uch barobar ko‘paydi.
Iqtisodiy tadqiqotlar va islohotlar markazi har oyda O‘zbekiston avtomobil bozoridagi vaziyatni tahlil qilib boradi.
Fevral oyi yakunlariga ko‘ra, O‘zbekistonda barcha transtport vositalarining umumiy savdosi 115 mingdan oshdi. Umuman olganda, avtomobil bozori yil davomida 6,3 foizga kamaydi.
Fevral oyida 109,7 mingta yengil avtomobil sotildi. Shu bilan birga, yillik shartlarda yengil avtomobillar bozori 5,6 foizga kamaydi.
Birlamchi yengil avtomobillar bozoridagi vaziyatga kelsak, bir oy davomida sotuvlar sezilarli darajada kamaydi va 26 mingdan sal ko‘proq avtomobilni tashkil etdi. O‘tgan yilga nisbatan yengil avtomobillarning birlamchi avtomobil bozori 8,4 foizga o‘sdi.
Shu bilan birga, oy davomida mamlakatimizda ishlab chiqarilgan 23,5 mingta yengil avtomobillar sotildi. Bu o‘tgan yilning fevral oyiga nisbatan 7,7 foizga ko‘pdir.
Yil davomida xorijda ishlab chiqarilgan avtomobil bozori 15,6 foizga o‘sdi. Fevral oyi oxiriga kelib, xorijda ishlab chiqarilgan yangi yengil avtomobillar savdosi 2,7 mingtani tashkil etdi.
Yil boshida boshlangan elektromobillarga qiziqish biroz pasayganiga qaramay, yil davomida yangi elektromobillar savdosi 3 barobar ortdi.
