Turkiy davlatlar yagona bozor asosini yaratmoqda
Dushanba kuni Turkiy Davlatlar Tashkilotining Istanbuldagi shtab-kvartirasida ilgari TDT shafeligida tuzilgan Logistika markazlari alyansi vakillarining Turkiya transport-logistika kompaniyalari bilan uchrashuvi bo‘lib o‘tdi.
TDT Bosh kotibi o‘rinbosari Mirvohid Azimov va Alyans Bosh kotibi Asqar Qodirov hamraisi ostida o‘tgan tadbirda Turkiya transport va logistika assosiasiyalarining 30 ga yaqin vakillari qatnashdi.
«Ishtirokchilar Alyansga a’zo bo‘lishdan manfaatdor ekanliklarini bildirdilar, hamkorlikning mumkin bo‘lgan yo‘nalishlarini o‘rgandilar, yuzaga kelishi mumkin bo‘lgan muammolarni muhokama qildilar, shuningdek, davlat rahbarlarining qo‘llab-quvvatlashidan mamnunliklarini bildirdilar», — deyiladi TDT xabarida.
Turkiy mamlakatlarda yuk tashish va logistika markazlarini rivojlantirishga ko‘maklashish maqsadida tuzilgan Logistika markazlari alyansi iyun oyida tashkil etilgan. O‘zbekistonda xalqaro nohukumat tashkilotining ta’sis hujjatlari imzolandi.
Bundan bir yil avval Ozarbayjon rahbari Ilhom Aliyev kapitali Turkiya, Ozarbayjon, Qozog‘iston, O‘zbekiston va Qirg‘iziston hissalari hisobidan shakllantiriladigan Turkiy investisiya jamg‘armasini yaratish to‘g‘risidagi kelishuvni ma’qullagan edi.
