Rossiya Ukrainada jang qilish uchun Kuba, Suriya va Markaziy Osiyo davlatlari fuqarolarini yollamoqda

Rossiya Ukrainada jang qilish uchun Kuba, Suriya va Markaziy Osiyo davlatlari fuqarolarini yollamoqda.

Bu haqda AQShning odam savdosi bo‘yicha kuzatuv va unga qarshi kurashish bo‘yicha vakili Sindi Dayer ma’lum qildi.

"Rossiya hukumati, vositachilar, xususiy harbiy kompaniyalar yoki Moskvaga aloqador kuchlar chet el fuqarolarini, ayniqsa Markaziy va Janubiy Osiyodan kelgan muhojirlarni, shuningdek, Kuba va Suriya fuqarolarini majburlash, aldash va ba’zi hollarda qo‘rqitish usullaridan foydalangan holda Ukrainaga qarshi tajovuzkor urushida qatnashishga jalb qilayotgani bo‘yicha ma’lumotlar bor", —deya ta’kidladi Dayer.