Tramp: Ukraina «do‘zaxdan o‘tmoqda»

Ukraina prezidenti Vladimir Zelenskiy va AQSh prezidentligiga nomzod Donald Tramp o‘rtasida uchrashuv boshlandi. Siyosatchilarning uchrashuvi – 2019 yildan beri ilk bor – Nyu-Yorkdagi sobiq davlat rahbariga tegishli “Trump Tower” majmuasida bo‘lib o‘tdi.

So‘nggi haftalarda Tramp Ukraina mudofaasini qo‘llab-quvvatlashga bir necha bor shubha bildirdi va agar prezidentlik saylovlarida g‘alaba qozonsa, urushni imkon qadar tezroq tugatishga yana va’da berdi.

Tramp mojaroga barham berish uchun «har ikki tomon» bilan ishlashga va’da berdi.

«Bilasizki, men prezident Putin bilan juda yaxshi munosabatdaman. O‘ylaymanki, g‘alaba qozonsak, hammasini tezda hal qilamiz. Juda tez», dedi Donald Tramp jonli efirda bo‘lib o‘tgan uchrashuvda Vladimir Zelenskiyga.

💬 “Bu davlat jahannamni boshidan kechirmoqda. Men hech qachon bunday dahshatli vaziyatni ko‘rmaganman ," deya qo‘shimcha qildi u.