Jizzaxda Kamaz butunlay yonib ketdi

Jizzaxdan o‘tgan markaziy yo‘lda yuk mashinasi yonib ketdi. Bu haqda Jizzax viloyati IIB xabar berdi.

27 sentyabr kuni Jizzax viloyatining G‘allaorol tumani hududidan o‘tuvchi M-39 «Toshkent-Termiz» avtomobil yo‘lida Samarqand viloyatida yashovchi 1983 yilda tug‘ilgan haydovchi Kamaz rusumli yuk tashuvchi transport vositasini «Samarqand-Toshkent» yo‘nalishi bo‘yicha boshqarib ketayotgan vaqtda, avtomashinaning dvigatel qismida qisqa tutashuv vujudga kelganligi sababli yong‘in chiqqan.

Buning oqibatida yuk avtomashinasi to‘liq yongan. Yong‘in oqibatida haydovchi va boshqa shaxslarga tan jarohati yetmagan.