Xitoy: Rossiya va Ukrainada «yagona tanlov» bor
Rossiya va Ukraina o‘rtasidagi urush nazoratdan chiqib ketmasligi lozim. Har ikki tomon ham o‘z xalqlarining asosiy manfaatlarini ko‘zlab, bir-birining suverenitetini, mustaqilligini va hududiy yaxlitligini o‘zaro hurmat qilgan holda, shuningdek, bir-birining qonuniy xavotirlarini inobatga olgan holda ish tutishlari kerak. Bu haqda Xitoy Tashqi ishlar vazirligi rahbari Van I bayonot berdi. Uning so‘zlarini vazirlik matbuot xizmati keltirmoqda.
«Biz tinchlik tarafida qat’iymiz. Urushlarda g‘oliblar yo‘q, mojarolarning kelajagi yo‘q. Tinchlikka imkoniyat berish kerak. Vaziyatni sovutish, mojaroning jang maydoniga tarqalishining oldini olish va urush avj olishiga yo‘l qo‘ymaslik nihoyatda muhim», — dedi Van I.
Rossiya va Ukraina bir-biridan uzoqlasha olmaydigan qo‘shnilar, ularning yagona tanlovi hamjihatlikda yashash, dedi vazir. U butun dunyo tinch yo‘l bilan tartibga solish yo‘lini qo‘llab-quvvatlashiga umid bildirdi.
«Tinchlik urug‘ini seping, ular bir kun kelib tuproqni yorib, unib chiqadi, o‘sadi va ko‘payadi», - dedi Xitoy Tashqi ishlar vazirligi rahbari.
