Rossiya «do‘st bo‘lmagan mamlakatlar» ga qanday signal yuboryapti?

Kreml Putin tomonidan e’lon qilingan yadroviy doktrinadagi o‘zgarishlarni boshqa davlatlar uchun «signal» sifatida ko‘rib chiqishni taklif qildi.

Rossiya prezidenti matbuot kotibi Dmitriy Peskov bir kun avval Vladimir Putin tomonidan e’lon qilingan yadroviy doktrinadagi o‘zgarishlarga izoh berdi.

Xususan, tuzatishlar suverenitetga «tanqidiy tahdid» yuzaga kelgan taqdirda oddiy qurollardan foydalanishga javoban yadroviy zarba berishni nazarda tutadi.

«Buni aniq signal deb hisoblash kerak», dedi Peskov jurnalistlarga.

Rossiya «do‘st bo‘lmagan mamlakatlar» ga qanday signal yuborayotganini aniq shakllantirishni so‘rashganda, u shunday javob berdi:
«Bu ushbu davlatlarni, agar ular bizning mamlakatimizga yadroviy emas, balki turli vositalar bilan hujum qilishda ishtirok etsa, oqibatlaridan ogohlantiruvchi signaldir.»

Peskovning qo‘shimcha qilishicha, Rossiya qanday yadroviy arsenalga ega ekanligini «butun dunyo yaxshi biladi». Uning so‘zlariga ko‘ra, uni ko‘paytirish rejalashtirilmagan, biroq ayni paytda «chegaralarimizning perimetri bo‘ylab rivojlanayotgan keskinlik elementlarini» hisobga olgan holda «yadroviy to‘xtatib turish» tuzatilmoqda.

Peskov yadroviy doktrinaga o‘zgartirishlar qachon kiritilishi va ommaga e’lon qilinishini bilmaydi.