Isroil o‘t ochishni to‘xtatishdan bosh tortdi
Isroil bosh vaziri Binyamin Netanyaxuning o‘ta o‘ng koalisiyadagi radikal hamkorlari AQSh va Fransiyaning Livan bilan chegarada 21 kunlik o‘t ochishni to‘xtatish haqidagi takliflarini rad etdi.
Bu taklif mojaroni diplomatik yo‘l bilan hal qilish uchun vaqt ajratish maqsadida edi.
«Dushmanga og‘ir zarbalardan qutulish va 21 kundan keyin urushni davom ettirish uchun qayta tashkil etish uchun vaqt berish mumkin emas», dedi Netanyaxuning ittifoqchisi va Isroil moliya vaziri Bezalel Smotrich. Uning ta’kidlashicha, faqat Hizbullohning taslim bo‘lishi evakuasiya qilingan isroilliklarning o‘z uylariga qaytishiga imkon beradi.
Isroil tashqi ishlar vaziri Isroil Kats ham Livanda o‘t ochishni to‘xtatish g‘oyasini rad etdi. Uning so‘zlariga ko‘ra, Isroil «to‘liq g‘alaba va shimolliklar o‘z uylariga xavfsiz qaytgunicha» Hizbullohga qarshi kurashni davom ettiradi.
Netanyaxuning o‘zi BMTda nutq so‘zlash uchun Nyu-Yorkka yo‘l olar ekan, OAVda o‘t ochishni to‘xtatish taklifiga rozi bo‘lgani haqidagi xabarlarni rad etdi va armiyaga jangni davom ettirishni buyurdi.
