Rossiya Armaniston va Ozarbayjonga tinchlik shartnomasini ishlab chiqishda yordam beradi
Putin Rossiya Federasiyasi Armaniston va Ozarbayjonga tinchlik shartnomasini ishlab chiqishda yordam berishda davom etishga tayyorligini tasdiqladi.
Rossiya prezidenti Vladimir Putin Armaniston bosh vaziri Nikol Pashinyan bilan telefon orqali suhbatda Rossiya tomoni Armaniston va Ozarbayjonga tinchlik shartnomasini ishlab chiqishda yordam berishda davom etishga tayyorligini tasdiqladi. Bu haqda Kreml matbuot xizmati xabar bermoqda.
«Armaniston-Ozarbayjon munosabatlarini normallashtirish, shu jumladan Vladimir Putinning Bokuga davlat tashrifi chog‘ida Ozarbayjon prezidenti Ilhom Aliyev bilan olib borgan muzokaralarini hisobga olgan holda muhokamalar davom etdi. Rossiya tomoni Armaniston va Ozarbayjonga tinchlik shartnomasini ishlab chiqishda, chegaralarni delimitasiya va demarkasiya qilish jarayonini ilgari surishda, shuningdek, transport va logistika aloqalarini blokirovkadan chiqarishda yordam ko‘rsatishni davom ettirishga tayyorligi tasdiqlandi», — deyiladi xabarda.
