Pokistonda qurollangan shaxslar hujumida 38 kishi halok bo‘ldi

Kecha, 26 avgust kuni Pokiston janubi-g‘arbida qurollangan shaxslar ikkita hujumda kamida 38 kishini o‘ldirdi. Xavfsizlik kuchlari ham isyonchilarning 12 nafarini yo‘q qildi. Bu haqda Associated Press xabar berdi.

Polisiya xodimi Ayub Achakzayga ko‘ra, Balujistonning Musaxail tumanida 23 kishi avtobus, transport va yuk mashinalaridan o‘g‘irlab ketilganidan keyin otib o‘ldirilgan. Hujumchilar qochib ketishdan oldin kamida 10 ta mashinani yoqib yuborgan. Shu provinsiyaning Qalat tumanida ham qurollangan shaxslar kamida to‘qqiz kishini, jumladan, to‘rt nafar polisiyachi va besh nafar fuqaroni o‘ldirgan.

Isyonchilar Bolan shahrida temir yo‘lni portlatib yuborib, Mastungdagi polisiya bo‘limiga hujum qilgan va Gvadarda, Balujistonning barcha tumanlarida mashinalarni yoqib yuborgan.

Qayd etilishicha, hujum “Balujiston ozodlik armiyasi” guruhining radikallari tomonidan uyushtirilgan.

Pokistonda qo‘zg‘olonlar uzoq vaqtdan beri davom etmoqda, bir qator separatistik guruhlar asosan xavfsizlik kuchlariga qarshi hujumlar uyushtirgan. Qo‘zg‘olonchilar Islomobodda markaziy hukumatdan mustaqillik talab qilib keladi.