Kutilmagan burilish! Gvardiola Messiga «Barselona»da qolishni maslahat berdi

«Manchester Siti» klubi «Barselona» hujumchisi Lionel Messining transferi borasida o‘z pozisiyasini o‘zgartirdi.

"Mundo Deportivo" tarqatgan xabarga ko‘ra, mankunianliklar joriy transfer paytida 33 yoshli futbolchini xarid qilmasligi mumkin. Chunki, "Siti" ushbu transfer moliyaviy jihatdan manfaatli emas, deya hisoblamoqda. Bundan tashqari, «shaharliklar» bosh murabbiyi Xosep Gvardiola argentinalik futbolchiga «Barselona»da qolishni maslahat berdi.

Eslatib o‘tamiz, kataloniyaliklar Messini bepul qo‘yib yuborishmoqchi emas. «Manchester Siti» esa Leoni xarid qilib, moliyaviy halol o‘yin qoidasi nuqtai nazaridan UYEFA taqiqiga tushib qolishdan xavotir olmoqda.

Manba: sport24.ru