Janubiy Koreyalik suzuvchilar avtobuslardagi issiqlik tufayli Olimpiya shaharchasini tark etishdi

Parij Olimpiadasida ishtirok etishi kerak bo‘lgan olti nafar janubiy koreyalik suzuvchi 26 iyul kuni Olimpiya qishlog‘ini tark etib, musobaqa o‘tkaziladigan joy yaqinidagi mehmonxonaga joylashdi. Sportchilar Fransiya poytaxtidagi jamoat transportidagi sharoitlardan shikoyat qilganlaridan keyin olib ketilgan.

The Korea Times gazetasining Janubiy Koreya suzish federasiyasi prezidenti Chung Chang Xunga tayanib yozishicha, ikki suzuvchi – Kim Vu Min va Xvan Seong Vu mashg‘ulotlardan so‘ng avtobuslarda kondisioner yo‘qligini, oynalari muhrlanganligini aytishgan. Shuning uchun ichkaridan ko‘ra "tashqarida salqinroq", deb Kim Vu Min, shuningdek, mashg‘ulotlardan Olimpiya qishlog‘iga olib borgan avtobuslardan biri kichik avariyaga uchraganidan shikoyat qildi.

Erkaklar o‘rtasida 4x200 metrga erkin usulda estafeta musobaqasiga tayyorgarlik ko‘rayotgan olti nafar suzuvchi musobaqa o‘tkaziladigan Nanterdagi "La Defans" arenasidan taxminan besh daqiqalik piyoda masofada joylashgan mehmonxonaga joylashtirildi. Qoidaga ko‘ra, Olimpiada vaqtida sportchilar va murabbiylar Olimpiya qishlog‘iga joylashtiriladi. Bu yil u Parijdan 9 km shimolda joylashgan Fransiyaning Sen-Deni kommunasida joylashgan.

Kecha, 26 iyul kuni Olimpiya o‘yinlarining tantanali ochilish marosimi bo‘lib o‘tdi. Olimpiada 11 avgustga qadar davom etadi. Bugun, 27 iyul kuni suzish bo‘yicha musobaqalar boshlandi. Janubiy koreyalik suzuvchilar o‘rtasida Kim Vu Min birinchi bo‘lib 400 metrga erkin usulda suzishda ishtirok etadi.