Islom sivilizasiyasi markazi kutubxona va arxiv fondida saqlanayotgan manbalar soni 566 283 taga yetdi
Islom sivilizasiyasi markazi kutubxona va arxiv fondida saqlanayotgan manbalar soni 566 283 taga yetdi. Bu haqda AOKAda o‘tkazilgan brifingda Islom sivilizasiyasi markazi direktori Shoazim Minavarov ma’lum qildi.
Ular: 2037 dona qo‘lyozma, toshbosma kitoblar va tarixiy hujjatlar, 28 028 dona zamonaviy nashrlar va 536 218 ta elektron resursdan iborat.
2024 yilning I choragi mobaynida Markaz kutubxona fondiga 1380 dona kitoblar qabul qilindi. Kitoblar qisman xarid qilinmoqda va qisman hadya asosida qabul qilinmoqda.
Markazda 1 nafar akademik, 5 nafar fan doktori (Dsc), 11 nafar falsafa doktori (Phd), 21 nafar magistr faoliyat ko‘rsatmoqda. Ular tomonidan respublika va xorijiy nashrlarda 9 ta ilmiy maqola e’lon qilindi.
2024 yil 1 choragida 5 dona (3 ta qo‘lyozma, 2 ta toshbosma) kitoblar qayta ta’mirlanib, muqovalari tiklandi.
Markaz tashkilotchi va hamkor sifatida 10 ta xalqaro tadbir va uchrashuvlarni o‘tkazdi. Xususan, 2 ta onlayn uchrashuv, 2 ta davra suhbati, 6 ta xorijiy delegasiyaning Markazga tashrifi tashkil qilindi.
