Hokimlar senatorlar tarkibiga kiritilmasligi mumkin
Deputat Rasul Kusherbayevning xabar berishicha, Konstitusiyaga kiritilayotgan o‘zgartirishlar qatorida Oliy Majlis Senati a’zolari, ya’ni senatorlar tarkibida ijro hokimiyati vakillari bo‘lishi mumkin emasligini belgilab qo‘yish zarur.
" – Toki hokimlar ijro hokimiyati vakili sifatida bir vaqtning o‘zida qonun chiqaruvchi hokimiyatda ham vakil bo‘lmasligi uchun, – deydi deputat
Bu demokratik jamiyatlarga xos bo‘lib, hokimiyatlar o‘rtasidagi bo‘linish va o‘zaro tiyib turish prinsipining to‘la ishlashiga imkon yaratadi".
R.Kusherbayevning ta’kidlashicha, Oliy Majlis Senati qonun chiqaruvchi hokimiyatning ajralmas va muhim bo‘g‘ini hisoblanadi. Shu bois, ushbu bo‘g‘in ijro hokimiyatining har qanday ta’siri va aralashuvidan xolis bo‘lishi kerak.