Germaniyadagi noqulay ob-havo tufayli bir kishi halok bo‘ldi, 50 dan ortiq kishi jarohatlandi

Germaniyadagi noqulay ob-havo tufayli bir kishi halok bo‘ldi, 50 dan ortiq kishi jarohatlandi.

Juma kuni kechqurun va shanbaga o‘tar kechasi Germaniyaning g‘arbiy va markaziy hududlarida bo‘ronli shamollar, do‘l va kuchli yomg‘ir yog‘di. Paderborn shahri (Shimoliy Reyn-Vestfaliya) polisiyasi ma’lumotlariga ko‘ra, u yerda 43 kishi jabrlangan, ulardan 30 nafari kasalxonaga yotqizilgan. Bu haqda “TASS” xabar bermoqda.

Huquq-tartibot xodimlarining ta’kidlashicha, shahar "million dollar zarar ko‘rgan". Ko‘plab uylarning tomlari uchib ketgan, daraxtlar qulagan, mashinalarga zarar yetgan.

Shuningdek, yomon ob-havo oqibatlari haqida Bavariya va Tyuringiya federal shtatlaridan xabar beriladi. DPA ma’lumotlariga ko‘ra, Bavariya aholi punktlaridan birida 14 kishi jabrlangan — ular shamol tufayli qulab tushgan yog‘och binodan panoh topgan. Reynland-Pfalsda bir kishi chaqmoq urishi oqibatida halok bo‘ldi.

Deutsche Bahn temir yo‘l konserni relslarga qulagan daraxtlar haqida ogohlantiradi va kun davomida jadvalda kechikishlarni istisno qilmaydi.