Germaniyada qo‘poruvchilik gumoni tufayli NATO havo bazasida xavfsizlik choralari kuchaytirildi

Germaniyada NATOning Gaylenkirxendagi aviabazasida tekshiruv o‘tkazilganda hech qanday qo‘poruvchilik alomatlari aniqlanmagan.

Bu haqda Spiegel xabar bermoqda.

Avvalroq bazada ehtimoliy tahdid tufayli xavfsizlik choralari kuchaytirilgan edi.

Nashrning savoliga baza xodimi 23 avgustga o‘tar kechasi hech qanday noodatiy hodisalar qayd etilmaganini aytdi.

Baza bugun tushdan keyin normal xavfsizlik holatiga qaytishi kutilmoqda va normal faoliyat qayta boshlanadi.

Havo bazasi Germaniyaning g‘arbiy qismida, Niderlandiya bilan chegara yaqinida joylashgan. Bu yerda uzoq masofali radar kuzatuvi va AWACS yo‘naltiruvchi samolyotlari saqlanadi.