BAA Fransiyadan Pavel Durovga ruxsat berishni so‘radi

Birlashgan Arab Amirliklari Fransiya hukumatidan ularga Telegram'ning hibsga olingan asoschisi, Rossiya va Fransiya fuqaroligi bilan bir qatorda BAA fuqaroligiga ham ega bo‘lgan Pavel Durov bilan tanishish imkoniyatini berishni so‘radi, deb yozdi mamlakat TIV matbuot kotibi Afra al-Hameli Platform X sahifasida.

Abu-Dabi Durovning ishini «yaqindan kuzatib boradi» va unga «zudlik bilan barcha zarur konsullik xizmatlarini» taqdim etish niyatida”, — deya ta’kidladi TIV. «Birlashgan Arab Amirliklari fuqarolarining farovonligi, ularning manfaatlarini himoya qilish va ularga har tomonlama yordam ko‘rsatish asosiy ustuvor yo‘nalishdir», — deya qo‘shimcha qildi TIV.

Telegram asoschisi 24 avgust kuni kechqurun Parij Le Burje aeroportiga yetib kelganidan so‘ng qo‘lga olindi. Uning hibsda saqlash muddati 28 avgustda tugaydi, shundan so‘ng ayblov xulosasiga ko‘ra yo hibsga olish yoki sudgacha bo‘lgan kelishuv bo‘ladi yoki Durov ozodlikka chiqariladi.