Amerikaliklar yana Turkiyaga F-35 shartnomasini taklif qildi
Amerika rasmiylari Turkiyaga Anqara tomonidan sotib olingan S-400 havo mudofaa tizimi bo‘yicha yangi shartnoma taklif qildi, deb yozadi Gresiyaning Kathimerini gazetasi.
Maqolada aytilishicha, Amerika ma’muriyati vakillari Turkiyaga F-35 qiruvchi samolyotlarini sotish yo‘lidagi to‘siqlarni bartaraf etish uchun ushbu tizimlarni «yumshoqlik bilan» o‘chirishni taklif qilgan.
Shuningdek, Turkiya janubidagi Injirlik bazasida Rossiya raketa tizimlarini joylashtirish taklifi ham muhokama qilinmoqda, shuning uchun raketalar Turkiyada qolar ekan, Anqaraning Moskva bilan kelishuvi buzilmaydi.
Gresiya gazetasining yozishicha, Turkiyaning bu taklifga munosabati salbiy, biroq bu hafta Nyu-Yorkda bo‘lib o‘tadigan BMT Bosh Assambleyasi doirasida muzokaralar davom etishi kutilmoqda. Pentagonning sobiq rasmiysi Maykl Rubinning so‘zlariga ko‘ra, Anqara taklifni rad etgan va S-400 larni Turkiya hududidagi omborlarda saqlashini aytgan. Biroq, muzokaralar hali ham davom etmoqda va F-35 larni yetkazib berish bo‘yicha shartnomani tiklash masalasi AQSh va Turkiyaning kun tartibida qoladi.
