Xitoy o‘z fuqarolarini Isroilni tark etishga chaqirmoqda

Xitoy hukumati Xitoy fuqarolarini Isroilni zudlik bilan tark etishga chaqirdi. Bu xabar Xitoyning Isroildagi elchixonasi tomonidan tarqatildi.

Xitoy, shuningdek, Livan-Isroil chegarasidagi keskinlik keskin kuchayganligi sababli o‘z fuqarolariga Isroilga sayohat qilmaslikni tavsiya qilmoqda. Avvalroq Xitoyning Bayrutdagi elchixonasi ham xuddi shunday murojaat qilib, mamlakat fuqarolarini Livanni tark etishga chaqirgan edi.

Isroilda doimiy ravishda bir necha ming xitoylik fuqarolar bor, ular asosan qurilish maydonlarida ishlaydi.