15 noyabrdan O‘zbekistonda havo iliqlashadi
12—14 noyabr kunlari O‘zbekistonda havo harorati pasayib, yomg‘ir yog‘ishi, u qorga aylanishi mumkin. 13—14 noyabrda harorat kechasi 2—7 daraja sovuqqacha, kunduzi esa 0—5 daraja iliqqacha pasayadi. Ammo 15 noyabrdan kunduzgi harorat 5—10 daraja iliqqacha ko‘tariladi. Bu haqda «O‘zgidromet» xabar bermoqda.
16 noyabr kuni Toshkent, Samarqand, Jizzax va Sirdaryo viloyatlarida harorat kunduzi +8 — +13 darajagacha yetadi. 17 noyabr kuni esa havo haroati kunduzi 10—15 daraja iliqqacha ko‘tariladi, kechasi esa -3 darajani tashkil etadi.
Respublikaning tog‘li hududlarida 12—13 noyabrda havo o‘zgaruvchan bulutli bo‘lib, ba’zi joylarda yog‘ingarchilik kuzatiladi. Harorat kunduzi va kechasi 3—8 daraja sovuq bo‘ladi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)