Украинанинг Ф-16 учувчилари тайёр. АҚШ уларни ўқитди

Украиналик учувчиларнинг биринчи гуруҳи АҚШда Ф-16 қирувчи самолётларида машғулотларни якунлади. Бу ҳақда Politico халқаро нашри хабар берди.

Украиналик учувчилар ўтган йилнинг октябрь ойидан бери Аризона штатининг Туксон шаҳридаги Миллий ҳаво гвардияси базасида Ф-16 самолётларини бошқаришни ўрганди.

Politico нашрида мавжуд бўлган маълумотларга кўра, учувчилар энди Европага жўнаб кетишган ва у ерда қўшимча тайёргарликдан ўтайди.

Ушбу гуруҳдаги учувчилар сони ва уларнинг АҚШдаги курсларини тамомлаган санаси уларнинг хавфсизлиги учун ошкор этилмаган.