Туркия ва БАА ўртасидаги товар айирбошлаш ҳажми 20 миллиард доллардан ошиб, 112 фоизга ўсди
Президент Ражап Таййип Эрдоған Дубайда БАА иш дунёси ва халқаро сармоя компаниялари вакиллари билан учрашди.
Эрдўған, мақсаднинг Туркия ва Бирлашган Араб Амирликлари (БАА) ўртасидаги савдо ҳажмини келгуси 5 йил ичида 50 миллиард долларга етказиш эканини айтди.
Президент Дубайда бўлиб ўтаётган жаҳон ҳукуматлари саммитида иштирок этганидан мамнунлигини билдирди.
БАА Президенти Моҳаммед бин Заед Ал Наҳаян ва БАА Бош вазири ва Дубай амири Муҳаммад бин Рашид Ал Мактумни саммитга фахрий меҳмон сифатида таклиф қилганликлари учун миннатдорчилик билдирган Эрдўған, Туркия-БАА муносабатлари ташланган қадамлар туфайли катта суръатга эришганини қайд этди.
Президент Эрдўған, ушбу 3 йил давомида ўзаро муносабатларнинг шартномавий асосини ҳаётга татбиқ этганликларини, савдодан молияга, божхонадан энергетикага, экологиядан банкка қадар кўплаб соҳаларда 40 дан ортиқ шартнома имзолаганликларини эслатиб, бу қадамлар туфайли улар эришганликларини таъкидлади.
Туркия ва БАА ўртасидаги муносабатлар июль ойида бўлиб ўтган музокаралар чоғида эълон қилган Кенгаш механизми яратилиши билан «Стратегик шериклик» даражасига кўтарилганини эслатган Эрдоған, сўзларини қуйидагича давом эттирди:
«Ҳурматли ҳамкасбим Шайх Муҳаммад бин Зайд раислигидаги кенгашнинг биринчи йиғилиши яқин ойларда мамлакатимизда бўлиб ўтади. Биз Амирликлар билан инвестиция ва савдо соҳасида олиб борган қадамларимиз натижаларини кўриб турибмиз. Ўтган йили ўзаро товар айирбошлаш ҳажми 20 миллиард доллардан ошиб, 112 фоизга ўсди. Шундай қилиб, Бирлашган Араб Амирликларининг Форс кўрфази минтақасидаги энг йирик савдо шеригимиз мақоми мустаҳкамланди. Бугунги кунда Туркияда иқтисодиётнинг турли тармоқларида Бирлашган Араб Амирликлари капитали иштирокида 600 га яқин компания фаолият юритмоқда. Амирликларда турк капитали иштирокидаги мингга яқин компания фаолият юритмоқда. Мамлакатларимиз салоҳияти, иқтисодиётимиз сифати ва ишбилармонларимизнинг фаоллигини инобатга олсак, биз бундан ҳам кўпроқ нарсани қилишимиз мумкинлигига ишонаман. Келгуси 5 йил ичида бу кўрсаткични 50 миллиард долларга етказишни мақсад қилганмиз. Шу мақсад йўлида зарур қадамларни қўйишда давом этамиз».
- Биз ҳар қандай ёрдам беришга тайёрмиз
Бирлашган Араб Амирликлари фуқаролари учун 90 кунлик визани бекор қилиш қарорининг бу ироданинг акси эканини таъкидлаган Эрдоған: “Бирлашган Араб Амирликларининг дунёдаги сармоявий фаолиятига назар ташлаганимизда, муҳим бир нарса борлигини кўрамиз. «Таъкидлашни истардимки, биз Амирлик инвесторларини ҳар томонлама қўллаб-қувватлашга тайёрмиз.»
Эрдоған, шунингдек, Президент сармоя идораси, элчихона ва бош консуллик ва бошқа муассаса ва ташкилотлар эшиклари сармоядорлар учун доимо очиқ эканлигини тасдиқлади.
