Туркия ТИВ: Украинадаги урушда ядро қуролидан фойдаланиш эҳтимоли бор

Россия-Украина уруши авж олиш, жумладан, ядро қуролидан фойдаланиш эҳтимоли билан тўла.

Бу ҳақда Туркия ташқи ишлар вазири Хоқон Фидан маълум қилди.

«Давом этаётган урушнинг бадали минтақа ва бутун дунё учун жуда қиммат. Жиддийроқ айтганда, бу хавф ўсиб, тарқалиши мумкин. У географик жиҳатдан тарқалиши мумкин. Ядро қуролидан фойдаланиш эҳтимоли масаласи кўтарилиши мумкин», - дейди у.

Унинг сўзларига кўра, 11 июнь куни Москвада Россия президенти Владимир Путин билан бўлиб ўтган учрашувда унга Туркия етакчиси Ражаб Тоййиб Эрдўғоннинг урушни ҳал қилиш бўйича хабарини етказган.