Тошкентдаги “Чорсу” бозорида йирик ёнғин содир бўлди

Фавқулодда вазиятлар вазирлиги Шайхонтоҳур туманида содир бўлган ёнғин тўғрисида маълумот берди.

Қайд этилишича, 28 июнь куни соат 01:12 да Тошкент шаҳар Шайхонтоҳур тумани Беруний кўчасида жойлашган “Чорсу” бозор ҳудудидаги савдо дўконларида ёнғин содир бўлаётгани тўғрисида ФВБга хабар тушган.

Шунга кўра, 12 та ёнғин-қутқарув экипажи соат 01:17да воқеа жойига етиб бориб, ёнғин соат 02:22 да қуршаб олинган ва ёнғин соат 02:47 да тўлиқ бартараф этилган.

Ёнғин натижасида тан жароҳати олган ва вафот этган фуқаролар тўғрисида хабар келиб тушмаган. Вазият тўлиқ назоратга олинган.