Sky News: Буюк Британия компаниялари Марказий Осиё ва Кавказ орқали Россияга ҳарбий техника экспорт қиляпти

Уруш бошланганидан кейин "юқори устуворликка эга товарлар"нинг Британиядан Ўзбекистон, Қирғизистон, Грузия ва Арманистонга экспорти 500 фоиздан кўпроққа ошган.

Sky News таҳлилларига кўра, ушбу "икки хил мақсадда фойдаланса бўладиган" дронлар ва оғир техникалар учун ускуналар кабилар расмий Москва билан яхши алоқада бўлган мамлакатлар орқали Россияга кириб бораётган бўлиши мумкин.

Ушбу тўртта давлатга жўнатилган товарларнинг катта қисмини самолёт, вертолёт ёки учувчисиз учиш аппаратлари қисмлари, яъни дрон ва бошқа авиацион воситаларни ясашда қўлланиши мумкин бўлган жиҳозлар ташкил қилган. Мазкур давлатларга 6 млн фунт стерлинг қийматидаги товарлар экспорт қилинган, бу одатдаги миқдордан анча кўп.

Иқтисодчиси Робин Брукснинг сўзларига кўра, бошқа Европа давлатлари, айниқса Германия ва Полшадан ҳам Марказий Осиё ва Кавказ давлатлари орқали Россияга катта миқдордаги ускуналар кириб бораётган бўлиши мумкин.