Самарқанддаги ЙТҲда Нексия ҳайдовчиси ҳалок бўлди
Самарқанд вилояти Оқдарё туманида содир бўлган йўл-транспорт ҳодисасида ҳайдовчи ҳалок бўлган.
Вилоят ИИБ ЙҲХБ ахборот хизматининг хабар беришича, ҳодиса 2024 йил 24 сентябр куни соат 16:30 ларда юз берган.
М-37 халқаро автомобил йўлининг Оқдарё тумани “Даҳбед” МФЙ ҳудудидан ўтувчи қисмида ҳайдовчи Нексияни Бухоро-Самарқанд йўналишида бошқариб кетаётиб, йўл четида тўхтаб турган KOEGEL тиркамасининг орқа қисмидан келиб урган.
Оқибатда, Нексия ҳайдовчиси оғир тан жароҳатлари олиб, шифохонада вафот этган.
Қайд этилишича, ҳолат юзасидан Оқдарё тумани ИИБ ҳузуридаги тергов бўлинмаси томонидан жиноят иши қўзғатилган. Ҳозирда дастлабки тергов ҳаракатлари олиб борилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
