Инсон юраги космосда тез қарийди

АҚШда бир гуруҳ олимлар томонидан ўтказилган тадқиқот шуни кўрсатдики, инсон юраги коинотда бор-йўғи бир ой бўлганидан кейин қаришни бошлайди, деб ёзади Anadolu.

Тажрибани ўтказиш учун америкалик олимлар ҳақиқий юракга ўхшаш сунъий юрак тўқимасини яратдилар ва уни махсус "юрак-чип" тизимига жойлаштирдилар. Уни Халқаро космик станцияга (ХКС) 30 кун давомида нол тортишиш шароитларидаги ўзгаришларни кузатиш учун юборган.

Тадқиқотчилар реал вақт режимида кузатиш учун сенцорлардан фойдаланишган. Таққослаш учун, шунга ўхшаш тадқиқотлар Ерда ҳам ўтказилган. Унинг давомида олимлар ХКСда 12 кундан сўнг юрак кучи деярли икки баравар камайганини, Ердаги ўхшаш тўқималар эса барқарорлигича қолганлигини аниқладилар. Юрак заифлиги Ерга қайтганидан кейин 9 кун давом этди.

Шундай қилиб, коинотда бор-йўғи бир ой давомида одамларнинг юрак тўқималари заифлашиши, юрак ритми бузилиши, қариш белгиларига тақлид қилувчи молекуляр ва генетик ўзгаришлар пайдо бўлиши аниқланди.

Тадқиқот «The Proceedings of the National Academy of Sciences» журналида чоп этилди.