Самарқанд шаҳрига кириш ёпилмоқда

Жорий йилнинг сентябрь ойида Самарқанд шаҳрида ўтказилиши режалаштирилган Шанхай ҳамкорлик ташкилотининг навбатдаги саммити муносабати билан, 14-15-16- ва 17 сентябрь кунлари Самарқанд шаҳрига кириш йўллари ёпилади. Бу ҳақда Самарқанд вилояти ИИБ матбуот хизмати хабар қилди.

“Шу муносабат билан вилоят ҳудудидан транзит ўтувчи транспорт воситалари учун айланма ҳаракат ташкил этилганлигини ва махсус флайерлар ишлаб чиқилганлигини маълум қиламиз.

Ҳайдовчилар флайердаги QR код орқали йўлларда ҳаракатланишлари учун рухсат этилган айланма йўллардан мобил илова орқали ҳам кўришлари мумкин”, - дейилади хабарда.