Роналду Португалия терма жамоаси қайдномасидан ўрин олгани ҳақида фикр билдирди

Криштиану Роналду Евро-2024да Португалия терма жамоаси сафида ўйнаш имкониятига эга эканлигидан фахрланади.

39 ёшли форвард ижтимоий тармоқларга Португалия либосида тушган суратини жойлаштириб, шундай деб ёзди: “Португалия терма жамоаси шарафини Еврода яна ҳимоя қилишдан фахрланаман. Олға!"

Аввалроқ Португалия терма жамоаси бош мураббийи Роберто Мартинес Германияда 14 июндан 14 июлгача бўлиб ўтадиган бўлажак Европа чемпионатига 26 нафар футболчини чақириб, Роналдуни таркибга киритган эди.