«Реал Мадрид» янги ярим ҳимоячи сотиб олади
![«Реал Мадрид» янги ярим ҳимоячи сотиб олади «Реал Мадрид» янги ярим ҳимоячи сотиб олади](/photos/news/MBoSXIYDpdssvyE.jpeg)
«Ривер Плейт»нинг 16 ёшли ярим ҳимоячиси Франко Мастантуоно Испания чемпионатига ўтишга яқин турибди. "Sport.es" хабарига кўра, футболчи «Реал» билан шартнома имзолайди.
Аргентина клуби президенти келишувни якунлаш учун Испания пойтахтига учиб кетди. "Лос-Бланкос" футболчининг ўзи билан шахсий меҳнат шартномаси шартларини келишиб олган. Агар келишув амалга ошса, Мастантуоно фақат келаси йилнинг август ойида, 18 ёшга тўлганда "қироллик клуби" сафига қўшила олади.
"Transfermarkt" Франкони 10 миллион еврога баҳолаган. Футболчининг «Ривер Плейт» билан тузилган меҳнат шартномаси 2026 йилнинг ўрталарига қадар амал қилади.
Матнда хатолик топсангиз, ўша хатони белгилаб, бизга жўнатинг (Ctrl + Enter).