Расман: "Реал" ҳужумчиси Қатар клубига кўчиб ўтди

Испаниялик ҳужумчи Хоселу янги жамоага ўтди.

Қатарнинг «Ал-Гарафа» клуби ўзининг ижтимоий тармоқларида «Реал»нинг 34 ёшли собиқ форварди билан шартнома имзолаганини эълон қилди.

Аввалроқ, "Лос Бланкос" футболчининг мадридликлар жамоасини тарк этишини расман эълон қилганди. ОАВда испанияликнинг Қатар клуби билан шартномаси икки йилга мўлжаллангани, маълум шартлар бажарилгач, шартнома бир йилга узайтирилиши мумкинлиги ҳақида маълумотлар пайдо бўлди. «Реал» бу трансфер учун 1,5 миллион евро олади.

Хоселу 2023 йилнинг ёзидан бери «Реал»да ўйнамоқда. У клуб сафида 49 та ўйин ўтказиб, 17 та гол урган.