«Ўзи чоракфиналгача етиб келишимизни ҳеч ким кутмаганди»

Туркия миллий жамоаси сардори Ҳоқон Чалханўғли Евро-2024 чоракфиналида Нидерландиядан учралган мағлубият (1:2) ҳақида фикрини билдирди.

«Тўғрисини айтишимиз керак – Туркиядек ёш таркибга эга жамоанинг чоракфиналгача етиб келишимизни ҳеч ким кутмаганди. Шахсан мен жамоамдаги ҳар бир ўйинчи билан фахрланаман. Миллий жамоам билан имконқадар узоқроққа боришга ҳаракат қилгандим. Туркия миллий жамоасида тўп сураётганимдан фахрланаман, бу шарафли», - дейди Ҳоқон УЕФА расмий сайтига берган интервьюсида.

Эслатиб ўтамиз, Туркия ушбу мусобақада Грузия, Чехия ва Австрия устидан ғалабага эришган бўлса, Португалия ва Нидерландияга ютқазди.