Японияда патруль вертолётларининг қулаши қўмондонлик хатолари туфайли содир бўлган

Жорий йилнинг апрель ойида Япония денгиз ўзини ўзи мудофаа қилиш кучларининг иккита SH60K патруль вертолётининг ҳалокатга учраши қўмондонлик хатолари туфайли содир бўлган.

Бу ҳақда Япониянинг энг йирик нашри Yomiuri хабар берди.

Нашрнинг ёзишича, ҳалокатга учраган вертолётлар экипажлари турли қўмондонлик вакилларидан қарама-қарши буйруқлар олган, бу эса ҳалокатга сабаб бўлган. Денгиздаги ўзини-ўзи мудофаа кучлари ички текширувдан сўнг воқеа юзасидан тез орада ҳисобот эълон қилиши кутилмоқда.