Францияда парламент сайловларининг иккинчи босқичи бўлиб ўтади

Якшанба куни Франция парламентининг қуйи палатаси – Миллий ассамблеяга сайловнинг иккинчи босқичи бўлиб ўтади.

Бу ҳақда «Интерфакс» хабар бермоқда.

Сайлов участкалари одатда маҳаллий вақт билан эрталаб соат 08:00да (Тошкент вақти билан 11:00) очилади ва 18:00да (Тошкент вақти билан 21:00) ёпилади.

Баъзи шаҳар ва бўлимларда сайтнинг иш вақти фарқ қилиши мумкин. Хусусан, йирик шаҳарларда, жумладан, Парижда французлар 20:00 (Тошкент вақти билан 23:00)гача овоз беришлари мумкин бўлади.

Қайд этилишича, сайловнинг биринчи натижалари маҳаллий вақт билан соат 20:00 дан кейин эълон қилиниши кутилмоқда.